Фудбалерите го потопија Казахстан, на ЕУРО одиме победнички

Филип Здравески
/ 04.06.2021 / 19:50

Македонската фудбалска репрезентација со убедливи 4:0 славеше над Казахстан и во победничко расположение патува за Букурешт на Европското првенство.

Селекторот Игор Ангеловски како што најави, дека шанса на овој натпревар ќе им даде на оние кои помалку играат, тоа и го стори правејќи 4 измени во стартните 11 за разлика од натпреварот со Словенија. На голот стандардниот Столе Димитриевски, во одбраната Кире Ристевски, Висар Муслиу и Стефан Ристовски, во средината Елиф Елмас, Стефан Спировски и Тихомир Костадинов со Езџан Алиоски лево и Бобан Николов десно, а во нападот капитенот Горан Пандев и Иван Тричковски.

Remote video URL

Првата сериозна шанса ја имаше Тричковски кога во 14. минута излезе сам пред гостинскиот гол, но беше премногу лево, па неговиот удар отиде покрај стативата. Потоа во 23. минута Костадинов упати одличен удар од работ на шестнаесетникот, топката одеше под пречката, но голманот Покатилов исфрли во корнер.

Во 29. минута за малку сопствената мрежа ќе ја затресеше Куат кога во обид да расчисти по едно нафлување, но за негова среќа топката само профуче над голот.

Конечно гостинскиот отпор беше скршен во 35. минута кога Елмас се расшета низ казахстанската одбрана и на крајот беше соборен од Бајсебеков за удар од белата точка. Одговорноста ја презеде Алиоски и со сигурен удар го измами Покатилов за водство на Македонија. Ова е 8 гол за Алиоски во националниот тим, а број 4 од пенал.

Remote video URL

Гостите првата закана кон голот на Димитриевски ја упатија во 40. минута преку Тагиберген. Неговиот силен удар по земја заврши крај левиот дирек.

Последното возбудување во првиот дел се случи во судиското надполнување кога Мужиков непотребно остро стартуваше над Ристевски со две нозе и отворен ѓон, па црногорскиот судија отправдано му покажа црвен картон.

Очекувано, со играч повеќе Македонија продолжи да притиска и по паузата. Во 49. минута Тричковски повторно се најде во шанса, овој пат со глава, но повторно не го погоди голот.

Во 56. минута за малку ќе им подаревме гол на гостите кога по еден корнер Димитриевски ја испушти топката од раце, но за среќа никој од Казахстанците не беше во близина и топката отиде во корнер.

Конечно вториот гол дојде во 57. минута кога Пандев одлично ја префрли топката над гостинската одбрана до Костадинов во шестнаесетникот, овој веднаш му намести на Тричковски кој го постигна својот седми репрезентативен погодок во 64 настап.

Ангеловски направи двапати по две замени: прво Даниел Аврамовски и Милан Ристовски влегоа место Пандев и Тричковски, а потоа Александар Трајковски и Дарко Чурлинов место Елмас и Костадинов.

Младите веднаш се разиграа па стигнаа и головите. Трајковски нафли од корнер во 74. минута, а нововлезениот Ристовски со глава зголеми на 3:0. Негов деби настап и воедно прв гол. Тој е помлад брат на латералниот дефанзивец Стефан Ристовски.

Remote video URL

Само што продолжи натпреварот, во 76. минута нов гол за „Рисовите“. Трајковски направи дар-мар во гостинската одбрана и му сервираше на Чурлинов кој со лизгачки старт ја смести топката зад голот на Сеисен, кон на полувремето застана помеѓу стативите. Ова е прв репрезентативен гол и за играчот на Штутгарт, а негот трет настап.

Алиоски со глава и Трајковски со силен удар по земја имаа шанси да го зголемат резултатот за уште некој гол, но не успеаја. Потоа и Чурлинов имаше идеална шанса за втор гол, но го промаши голот.

Резултатот остана непроменет до крај, па Македонија запиша победа од 4:0 во првата пресметка со Казахстан, а последна проверка пред ЕУРО 2020. Репрезентативците во вторник летаат за Букурешт, а првиот предизвик е Австрија в недела на 13 јуни.

реклама

Голем месечен хороскоп за април 2024: Ретрограден Меркур им ги мрси конците на неколку знаци

Read more

Како е поврзано пиењето кафе со ракот на дебело црево?

Read more

Едноставен и брз метод: Белите патики повторно ќе изгледаат како нови

Read more

Се степале вработени во болница во Карпош

Read more

Фудбал

Милан сака да се засили со братот на Турам

Read more

Се побуни и Николов: Разочаран сум поради односот на селекторот Милевски

Read more

Канаваро: Наполи би го водел бесплатно, ама Де Лаурентис не ме бара

Read more

Дани Алвес откако излезе од затвор веднаш направи забавa славејќи до изгрејсонце

Read more
 

Спорт

Милан сака да се засили со братот на Турам

Читај повеќе

Се побуни и Николов: Разочаран сум поради односот на селекторот Милевски

Читај повеќе

Канаваро: Наполи би го водел бесплатно, ама Де Лаурентис не ме бара

Читај повеќе

Дани Алвес откако излезе од затвор веднаш направи забавa славејќи до изгрејсонце

Читај повеќе

Шпанците откриваат кога Модриќ заминува од Реал

Читај повеќе

Родри една година не доживеал пораз

Читај повеќе

Меси: Ќе се пензионирам кога ќе престанам да уживам во играта

Читај повеќе

Фудбалот во втор план: Стадионот на Фулам ќе има ложи со базен

Читај повеќе
  • play_arrow

Мхитарјан - фудбалерот полиглот со завршени два факултета

Читај повеќе