Фудбалерките на Јунајтед се на удар поради тактиката за слободни удари

Женскиот тим на Манчестер Јунајтед го победи Лестер Сити на гостински терен со 2:0, а натпреварот го одбележа неспортското однесување на две фудбалерки на „Црвените ѓаволки“.

Имено, при еден слободен удар за гостите, Елизабет Терланд и Мили Тарнер застанаа пред голманката на „Лисиците“, Џанин Лајциг, за да ѝ го попречат погледот и да ја спречат да постави жив ѕид.

Тие дури креваа раце за дополнително да ја попречат голманката на домашниот тим пред судијката Стејси Фуликс да ја забележи нивната необична тактика и да им наложи да се оддалечат од неа.

Ситуацијата предизвика незадоволство кај сите што го следеа споменатиот дуел, а многумина открија дека не го поддржале овој потег на фудбалерките на Манчестер Јунајтед.

Ги потсетија дваете на акробациите на поранешниот дефанзивец на Њукасл Јунајтед, Стивен Тејлор, кој беше познат по сличните подвизи за време на неговите 13 години со „Страчките“.

Посебно впечатлива е ситуацијата кога потскокнуваше горе-долу пред голманот на Стоук Сити, Асмир Беговиќ, додека тогашниот играч за врска на „Страчките“, Јоан Кабај се подготвуваше да изведе слободен удар, а со цел да му посмета на босанскиот голман да го намести живиот ѕид. На крај му исплатеше бидејќи Кабај постигна гол токму на страната каде што чуваше лошо наместениот жив ѕид.