Фудбалските лиги повторно пред прекин?

Филип Здравески
/ 22.04.2021 / 16:19

Откако Министерството за здравство донело одлука сите фудбалери да мора да направат тестирање пред секој натпревар, македонскиот фудбал повторно се соочува со колапс.

Нема веќе третолигашки фудбал: момент од натпреварот Детонит - Овче Поле од 3.МФЛ Исток; Фото: Радовиш Њуз

Министерството за здравство одлучило секој клуб кој сака да игра фудбал во земјава да мора своите играчи и членовите на стручниот штаб да ги тестира пред да излезе на терен. И тоа не со бесплатни тестови туку да ги плати од свој џеб. Токму поради тоа, сега на македонскиот фудбал му се заканува уште една прекината сезона, уште една пропадната сезона.

Фудбалската федерација на Македонија соопшти дека за претстојното коло, кое треба да се игра викендов, ќе ги покрие трошоците за тестирање за клубовите од првата лига и од двете второлигашки групи. Тоа значи дека фудбал ќе се игра.

Но, ќе се игра само во првите две лиги, а на неодредено време (засега) се прекинува сезоната во третите, општинските, младинските и женската лига. За нив пари за тестови нема, ниту од ФФМ, ниту од државата. Затоа, пак, за туристите кои ќе доаѓаат ќе има бесплатни тестови на државна сметка, односно со наши, народни пари. А за нашите фудбалери нема.

Соопштението на ФФМ вели дека ќе бидат обезбедени бесплатни тестови за претстојното коло, па останува непознато дали ФФМ ќе продолжи да ги плаќа тестовите и за наредните кола или само за ова викендов. Доколку од наредниот викенд прволигашите и второлигашите треба сами да плаќаат за тестови, голема е веројатноста дека сезоната и во овие лиги нема да продолжи.

Бројките на заразени во државава полека се намалуваат. Денес процентот на позитивни од вкупниот број на тестирани е 23,2%, вчера кога беше 21,8%, а завчера 24%. Надежда на фудбалерите, машки и женски, професионални и аматери, е дека бројките и натаму ќе се намалат па Министерството, кога веќе не сака да обезбеди бесплатни тестови, ќе ја укине оваа непопуларна мерка.

Како што веќе бројни студии покажаа, фудбалската игра не е место каде вирусот се шири. Фудбалот се игра на отворено, точно е дека постои контакт помеѓу играчите, но тој е толку краткотраен што зараза е речиси невозможна. Местата каде може да дојде до зараза се соблекувалните, тунелите, подтрибинскиот простор и автобусите за превоз. Нормално, доколку таму не се почитуваат мерките за носење заштитна маска и држење дистанца. Ова сега изгледа само како очаен обид на Министерството да прикаже дека нешто прави, нешто презема, а данокот ќе го платат фудбалерите кои спортуваат, и тоа на отворено.

реклама

Голем месечен хороскоп за април 2024: Ретрограден Меркур им ги мрси конците на неколку знаци

Read more

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Фудбал

Милан сака да се засили со братот на Турам

Read more

Се побуни и Николов: Разочаран сум поради односот на селекторот Милевски

Read more

Канаваро: Наполи би го водел бесплатно, ама Де Лаурентис не ме бара

Read more

Дани Алвес откако излезе од затвор веднаш направи забавa славејќи до изгрејсонце

Read more
 

Спорт

Милан сака да се засили со братот на Турам

Читај повеќе

Се побуни и Николов: Разочаран сум поради односот на селекторот Милевски

Читај повеќе

Канаваро: Наполи би го водел бесплатно, ама Де Лаурентис не ме бара

Читај повеќе

Дани Алвес откако излезе од затвор веднаш направи забавa славејќи до изгрејсонце

Читај повеќе

Шпанците откриваат кога Модриќ заминува од Реал

Читај повеќе

Родри една година не доживеал пораз

Читај повеќе

Меси: Ќе се пензионирам кога ќе престанам да уживам во играта

Читај повеќе

Фудбалот во втор план: Стадионот на Фулам ќе има ложи со базен

Читај повеќе
  • play_arrow

Мхитарјан - фудбалерот полиглот со завршени два факултета

Читај повеќе