Нема одмор за професионалците.
Не е тајна дека врвните спортисти тренираат надвор од сезоната за да постигнат завидни резултати на теренот. Знаат дека ако сакаш да бидеш шампион на крајот од сезоната, треба да ги започнеш подготовките пред да започне сезоната. Шест фудбалери добро го знаат тоа и веќе напорно работат и се подготвуваат за наесен.
Кристијано Роналдо има 37 години. Следната сезона ќе наполни 38 години, а тешко е да се најде фудбалер во формата со која може да се пофали тој во тие години.
Минатата сезона заврши со разочарување за Салах. Тој беше на поразената страна во финалето на Лигата на шампионите, а неговата репрезентација на Египет не успеа да се пласира на Светското првенство што ќе се одржи во Катар. Сепак, судејќи по неговите фотографии на Instagram, Салах ги преболел тие два удари и е во одлична форма.
Маркус Рашфорд е уште еден играч кој имаше разочарувачка сезона 2021/2022. Иако ја загуби самодовербата, тој веќе оди во теретана и се подготвува за следната сезона.
Серхио Рамос можеби има 36 години, но сепак е еден од најдобрите дефанзивци во светот. Тој се врати од повредата и веќе се подготвува повторно да се запише во листата на најдобри светски фудбалери.
Бензема имаше неверојатна сезона 2021/22, но знае дека мора да вложи напори за да остане на врвот. Затоа наоѓа време во теретана за селфи.
Навивачите на Брентфорд веќе подолго време знаат за Давид Раја, а минатата сезона тој се истакна со низа извонредни перформанси. Следната сезона со Шпанија оди на Светско првенство, а подготовките за тоа се веќе започнати.
