Концептот на облакодер замислен во Дубаи претставува увид во иднината што порано се сметаше само за научна фантастика.
Дубаи можно е да добие облакодер со футуристички дизајн благодарение на концептот создаден од турскиот архитект Хајри Атак заедно со неговите колеги. Тоа е облакодер дизајниран така што може да ротира кога дува ветер.
Концептот наречен Squall Tower неодамна беше презентиран преку социјалните мрежи. Дизајнот е инспириран од турбини на ветер, и за разлика од стандардните облакодери кои се спротивставуваат на силата на ветрот, оваа кула ја користи за да се врти.
Облакодерот се состои од три сегменти дизајнирани да ротираат полека со одредена брзина. Сегментите се вртат околу централната оска и се поврзани со бројни тунели.
Една ротација трае 48 часа со или без ветер, а како и другите ротирачки ресторани, кулата може да им обезбеди на посетителите целосен поглед на Дубаи.
Кулата може да ротира без ветер и при тоа да генерира електрична енергија. Исто така, би имала хелиодром одозгора, а ротирачките влезови во неговата основа би овозможиле пристап до ротирачките кули.
Засега е непознато кога и дали ќе започне изградбата.