„Имам премногу прашања“, избрза фудбалерот кога воспостави контакт со Меѓународната вселенска станица.
Горе во земјината орбита се наоѓа астронаутот а Европската вселенска агенција, Французинот Тома Песке. Тој е навивач на фудбалската репрезентација на својата Франција и претстојното ЕУРО ќе го проследи од вселената.
Настанот се оствари во коорагнизација на УЕФА и ЕСА. Килјан Мбапе на Земјата и астронаутот Тома Песке во вселената имаа доста што да си кажат еден на друг. За Мбапе работата на Песке изгледа импресивно, а за Песке да се биде фудбалер е исто така испресивно.
„Не можам да им поверувам на очите. Имам премногу прашања, не знам од каде да почнам. Прво, какво е чувството да се биде во вселената“, почна Мбапе.
Разговорот траеше дваесетина минути, а зборуваа на разни интересни теми. Песке, како фудбалски фан, донел и топка на МВС, но бадијала.
„Пробав да играм фудбал со моите колеги, но да се игра фудбал во бестежинска состојба воопшто не е интересно. Тоа е игра направена да се игра на земја. Дури и жонглирањето на нулта-гравитација нема смисла бидејќи топката оди нагоре и потоа не паѓа долу. Истото е и со шутирање и сѐ, така да, Килјан, се сомневам дека би бил среќен тука“. објаснува астронаутот Песке.
Двајцата заклучија дека и за да се стане астронаут и за да се стане успешен фудбалер потребно е многу вложување, жртва, труд, напор, трпение.
Видеото со разговорот е на француски јазик, но има превод на англиски.