Прославениот функционер на Милан, Адриано Галијани се присети во 1998 година како потпишал договор со Чави Ернандес и со овој пример објасни зошто не сака да зборува за трансферите пред тие да бидат официјално објавени.
Галијани моментално работи како директор на Монца, и тоа многу успешно со оглед на тоа што ја воведе оваа екипа во елитниот ранг на италијанскиот фудбал - Серија А, а тамошните медиуми пишуваат дека моментално е „најзафатениот фудбалски функционер“ и дека тајно подготвува неколку одлични трансфери во својот клуб.
Така, при одговорот на прашањето за доаѓањето на Стефано Сенси од Интер, тој се потсети на 1998 година и како му пропаднало доаѓањето на Чави во Милан.
„В петок ќе има промоција на Сенси, а тој ќе дојде во нашиот клуб како позајмен играч од Интер. Остануваат само лекарските прегледи кои треба да се направат пред промоцијата и не би требало да има никакви проблеми. Мислам дека тоа е обична формалност... Тој е одличен играч, но морам да се потсетам дека во 1998 година се обидов да го добијам Чави од Барселона“, започна Галијани и продолжи:
„Тогаш тој беше тинејџер, всушност потпиша за нас, но бидејќи мајка му не го пушти да оди толку далеку, трансферот на крајот пропадна“.
Чави за Барселона дебитираше во 1998 година, а за овој каталонски тим настапуваше во наредните 17 години.