Стратегот на тимот од Бергамо не знаел дека е заразен додека седел на клупата за време на пресметката од Лигата на шампионите иако имал симптоми. Дури пред десерина дена испитувањата покажале дека има антитела од вирусот.
Џан Пјеро Гасперини бил еден од многумината заразени кои присуствувале на натпреварот Валенсија - Аталанта, реваш од осминафиналето на Лигата на шампиони.
„Ден пред натпреварот со Валенсија не се чувствував добро, потоа попладнето дента ми беше уште полошо“, почнува да раскажува Гасперини за La Gazzetta dello Sport.
„Доколку ги погледнете сликите ќе видите дека не изгледав добро на клупата. Тоа беше на 10 март. Двете ноќи после тоа не можев да спијам. Немав температура, но се чувствував како да имам“, вели стратегот на „Нераѕурите“ од Бергамо.
„На секои две минути ќе поминеше брза помош бидејќи близу тренинг центарот има амбуланта. По звуците, како да беше воена зона. Ноќе си мислев што би се случило со мене доколку завршам во болница? Не можам сега да заминам, имам уште многу да направам...“.
„Саботата на 14 март го одржав најтешкиот тренинг последниве години. Еден час трчав на трака, потоа 10 километри надвор. Се чувствував силно, одлично“.
Гасперини потоа загубил чувство за вкус, а тоа е знак за присуство на COVID-19.
„Ден потоа тимот доби на подарок храна и Дон Перињон од 2008 од страна на шеф на кујна кој е фан на Аталанта. Го пробав и реков 'Ова е вода...', а храната имаше вкус на леб. Комплетно го имав загубено чувството за вкус“.
„Останав во Ѕингонија тренинг центарот со недели. Кога се вратив во мојот дом во Торино цело време ги почитував мерките за социјална дистанца со мојата жена и децата. Бидејќи никогаш не добив температира, не ми земаа брис, но пред 10 дена тестот на крв покажа дека сум имал COVID-19. Имам антитела, но тоа не значи дека сум имун“, вели Гасперини.
Серија А ќе продолжи на 20 јуни, а популарниот Гасп ќе ја предводи Аталанта од клупата.