Аталанта вечерва игра против моќниот тим на ПСЖ, но тренерот Џан Пјеро Гасперини не е многу загрижен за големите ѕвезди во противничкиот табор.
„Нејмар е еден од најдобрите фудбалери на светот. Најдобра одбрана од него е да го нападнеме и да го натераме тој да се брани од нас. Ако се сите сконцентрирани, ќе го сопреме“, смета италијанскиот стратег.
Нејмар не е единствената закана по голот на Аталанта бидејќи во составот на ПСЖ е и чудото Килјан Мбапе. Тој имаше повреда и не се знае дали ќе игра од почеток или не.
„Ние се подготвуваме како да ќе игра. Не знам дали ќе игра од почеток. Она што го знам е дека нам ќе ни недостасуваат Иличиќ и Голини, тоа е сигурно“. Гасп повеќе го мачи отсуството на повредениот голман Пјерлуиџи Голини и Словенецот Јосип Иличиќ кој поради семејни проблеми не е во составот.
Во фазата по група Аталанта беше заедно со два тима кои се во игра за пехарите во Лигата на шампиони и во Лига Европа.
„Исто така знам дека Манчестер Сити и Шахтар можат ги освојат двата трофеа, тие беа во нашата група. Не се квалификувавме на среќа, како што некои тврдат. Бевме повеќе од одлични. Единствениот натпревар на среќа беше ремито меѓу загрепски Динамо и Украинците“. На тој натпревар Шахтар губеше 3:1 во Загреб и со два гола во судиското надополнување дојде до реми.
