Навивачите на Кристал Палас во вчерашниот судир против Њукасл покажаа транспарент на кој се гледа што мислат за новиот сопственик на нивниот ривал.
За потсетување, Њукасл пред 20-ина дена „дојде“ во рацете на саудискиот принц Мохамед бин Салман и Фондот за јавни инвестиции.
Бидејќи Бин Салман не е баш омилена личност во Велика Британија, продажбата на Њукасл, која требаше да биде завршена пред повеќе од една година, е одложена поради бројни контроверзии. Сепак, конечно беше завршен на почетокот на октомври.
Приливот на големи пари во Њукасл не наиде на одобрување од другите клубови од Премиер лигата, па веќе почнаа јавно да протестираат.
Незадоволство од дозволувањето на Бин Салман да влезе во англискиот фудбал изразија и навивачите на Кристал Палас. Имено, еден од најжестоките навивачи во Премиер лигата вчера го пречека Њукасл со силна порака против саудискиот принц.
Заедно со сликата на Бин Салман како позира со меч во раката и пари натопени во крв, на транспарентот имаше пораки дека е неопходно да се биде „терорист, да сечеш глави, да ги кршиш човековите права, да бидеш убиец, да правиш цензура и прогон“ за да станеш сопственик на клуб во Англија.
За навивачите на Кристал Палас ова не е прв случај на прозивка на сметка на богати сопственици на други клубови. Имено, на сличен начин го прозваа Челзи кога „падна“ под власта на Роман Абрамович, како и Манчестер Сити кога го купи шеикот Мансур бин Зајед.