Претседателот на УФЦ, Дејна Вајт, во интервју за TMZ откри дека планира да се состане со Хабиб Нурмагомедов следниот месец и да се обиде да го договори неговото враќање во октагонот.
„Единствената вистина е дека тој не се обврза на ништо во однос на борбите во иднина. Се обврза да се видиме следниот месец. Ќе дознаеме колку можам да бидам убедлив. Јас секогаш се обложувам на себе“, рече Вајт.
Да потсетиме, Нурмагомедов го најави своето пензионирање по 29-тата победа во кариерата против Џастин Гејџи, кого го натера да се предаде откако го фати во клинч во втората рунда.
„Фала му на Бога. Бог ми даде сè. Благодарам на овие момци кои беа со мене и со татко ми. Ги сакам сите. Ова беше мојата последна борба. Знаев дека ќе дојдам тука без татко ми. Тоа беше прв пат откако се случи тоа со татко ми. Откако ми се јавија од УФЦ за Џастин, разговарав со мајка ми три дена дали да се борам без татко ми и ѝ ветив дека ова ќе биде мојата последна борба. Ако сум дал чесен збор, треба да го одржам. Ова беше мојата последна борба“, рече емотивниот Хабиб по неговата прва победа по смртта на татко му.