Пол Погба ќе потпише за Јувентус, објави La Gazzetta dello Sport. Јувентус без обештетување го доведува францускиот репрезентативец откако му истече договорот со Манчестер Јунајтед.
„Срцето секогаш победува... Погба ќе потпише тригодишен договор. Ќе заработува седум и пол милиони евра по сезона, а со можни бонуси може да добие и до 10 милиони“, пишува La Gazzetta, а тоа го потврди од добро информираниот новинар Николо Шира.
Ова е втор пат Јувентус да го доведе Погба без отштета од Јунајтед. Французинот првпат пристигна во Торино како 19-годишник пред десет години. По четири години Јувентус го продаде на Јунајтед за 105 милиони евра. Британските медиуми деновиве пишуваа дека Погба договорил сè со Манчестер Сити, но на крајот се откажал од преселба во тој клуб, плашејќи се од реакцијата на навивачите на Јунајтед.
За Јунајтед во последните шест години одигра 233 натпревари, постигна 39 гола и забележа 51 асистенција.