Конор Мекгрегор доживеа тежок пораз од Дастин Поарје. Ирецот беше фаворит во тој меч, но го доживеа првиот нокаут во кариерата.
Веднаш по борбата Мекгрегор, кој победи во првата борба со Поарје, побара од УФЦ да му се организира и трета борба со истиот противник. Тоа би можело да биде борба за титула ако УФЦ официјално ја одземе титулата на Хабиб Нурмагомедов, кој по последната борба објави дека се пензионира.
Џастин Гејџи, кој требаше да биде предизвикувач во борбата за титула, се побуни, смета дека Мекгрегор не смее да се бори за титулата.
„Веројатно никогаш повеќе не би се борел во УФЦ кога тој би се борел за титула во следниот меч. Човекот е на шестото место на листата и бира со кој ќе се бори и кога. Не го почитувам ни најмалку и би сакал да се соочам со него. Секако тоа нема да се случи наскоро, бидејќи е претепан“, рече Гејџи.
