Современите видеоигри поврзани со автомобил имаат ултра реалистична графика, но сепак е тешко да се повтори чувството на возење вистински автомобил додека гејмерот седи во својот дом.
Сепак, еден гејмер од Полска најде начин донекаде да го реши проблемот, со тоа што направи симулатор користејќи ја внатрешноста на вистински автомобил.
Адријано поседува и вози Alfa Romeo 147, но е обожавател на моделот Brera. Затоа тој ја искористи внатрешноста на Brera за да направи симулатор за игри во својот дом. Проектот го почна со волан Logitech G29 и додаде различни делови на автомобилот за конечно да ја реализира својата визија.
Резултатот е одличен симулатор, кој изгледа навистина импресивно. Кокпитот е преземен од Alfa Romeo 159/Brera вклучувајќи голем дел од контролната табла со инструмент таблата, отворите за воздух и целата централна конзола. Бирачите, звучниот систем и контролите се осветлени, а портокаловото осветлување на алуминиумските педали одговара сосема.
Адријано купи и седиште што го постави на фабричките шини, а од моделот Giulia на Alfa набави мултифункционален волан и направи одредени модификации за да одговара на новата улога.
Воланот, педалите и менувачот се целосно функционални. Целото поставување е компатибилно со компјутерот, но и со конзолата на PlayStation. Следната цел на Адријан е да овозможи бројчаниците да ги следат оние во играта, но оваа функција ќе биде можна само за игрите на PC.