Свршувачката е голем чекор бидејќи треба да бидете подготвени за да го поминете целиот живот со една личност.
За реализација на своите планови не штедите пари и креативност, па така еден гејмер најде интересен начин како да ја запроси идната сопруга во виртуалната реалност.
Креативното студио 4А Games од Украина е познато по производство на видео игри. Љубителот на играта Мetro Exodus имал помош од програмерите за да ја запроси неговата девојка.
Програмерите задолжени за креирање на деталите во играта Metro Exodus на кровот на куќичката поставија графит: „Фани, ќе се омажиш ли за мене?“
Девојката ја прифати понудата, а од 4А Games им честитаа на Twitter.
„Воодушевени сме што прифати. Им честитаме на Фани и Александр и им посакуваме сè најубаво!“.
Metro Еxodus не е единствената игра во која може да направи изненадување. Авторите на игрите Borderlands, Portal и Spiderman се познати по тоа што им приредуваат вакви изненадувања на гејмерите.