Веќе неколку вакцини се произведоа против коронавирусот, но медикаменти за лекување на болните сѐ уште се малку. Германскиот министер за здравство Јенс Шпан закупил 200.000 дози од препарат, кој му помогнал на поранешниот американски претседател Доналд Трамп при инфицирањето со COVID-19.
Германската Влада купи нов лек базиран на антитела, пишува Tagesschau.
– Од следната недела, Германија ќе стане првата земја во ЕУ, во која ќе се користи овој лек. Федералната Влада купи 200.000 дози за 400 милиони евра, што изнесува 2.000 евра за една доза, потврди Шпан.
Според информациите, со овој лек базиран на антитела, поранешниот американски претседател Доналд Трамп се лекувал кога се заразил со коронавирус.
Антителата делуваат како пасивна вакцина. Инјектирањето на овие антитела може да помогне при спречување на тешки заболувања кај ризични пациенти во рана фаза. Весникот Tagesschau потсетува дека на почетокот на октомври, Трамп бил третиран со коктелот REGN-COV2 на американската компанија Regeneron.
Активната состојка на REGN-COV2 е комбинација од две специјално развиени антитела, кои се врзуваат со т.н. „заразен“ протеин на коронавирусот и на тој начин можат да ја деформираат неговата структура. На тој начин може да се спречи коронавирусот да ги нападне човечките клетки и да се развива. Според Regeneron, комбинацијата на две различни антитела треба да спречи мутација на вирусот Sars-COV2
