Корисниците на социјалните мрежи не можат да му се доначудат на Британецот кој ги потроши сите три џокери во популарниот квиз „Кој сака да биде милионер“ на едно прашање на кое одговорот го знаат многумина.
Крег Блекбурн беше во агонија откако Џереми Кларксон го прочита прашање во врска со популарната Netflix серија „Tiger King“: „Која е темата на документарната серија на Netflix од 2020 година во која Џо Егзотик се соочува со Керол Баскин?“.
Вака гласеше прашањето, а Крег искрено призна дека не ја гледал популарната серија.
Прво го потроши џокерот „50-50“, но не беше сигурен, па повика пријател. Тој исто така не знаеше, така што Крег остана на џокерот „Прашај го водителот“.
Кларксон веднаш му понуди точен одговор, но многумина на социјалните мрежи не можеа да не чудат на натпреварувачот.
„Како тоа никогаш не слушнал за Tiger King?! Кој не знае за серијата?“ се само дел од реакциите на Twitter.
Патем, стануваше збор за прашањето за 4.000 фунти, а Крег до крајот успеа да освои 32.000 фунти.
