По 18 сезони актерот Марк Хармон одлучи да ја напушти серијата „NCIS“ (Naval Criminal Investigative Service) во која го толкува ликот на Лирој Џетро Гибс. На серијата ќе продолжи да работи како извршен продуцент.
Хармон претходно потпиша договор за 19 сезона во серијата, но во него е наведено дека ќе се појавува многу ретко.
Епизодата емитувана во понеделникот е последна за Хармон, односно Гибс. Откако за малку ќе загинеше во експлозија на брод во финалето на 18 сезона, Гибс одлучи да не се враќа на работа и наместо та да остане на Алјаска , каде тој и агентот Тимоти Мекги влегоа во трага на убиец ангажиран од рударска компанија.
Иако Хармон ја напушта серијата, извршниот продуцент на најдолговечната и најгледана серија, Стивен Д. Биндер, ја остави вратата отворена за враќањето на Гибс во блиска иднина.
„Како извршен продуцент и драг пријател, Марк и понатаму ќе биде дел од серијата. Немојте никогаш да мислите дека Џетро Гибс ќе биде целосно исклучен“, стои во соопштението на Биндер.
