Германскиот производител на автомобили BMW склучи стратешко партнерство со кинескиот технолошки гигант Alibaba.
Партнерството предвидува соработка во секторите брендирање, маркетинг, услуги и информатичка технологија.
Целта на партнерството е да се спроведе стратегија за дигитализација во целиот деловен процес на BMW, која треба да ги опфати и дистрибутерите, стои меморандумот за соработка што му претходи на официјалниот договор.
BMW на тој начин ќе стане првиот производител на автомобили што го користи деловниот оперативен систем на Alibaba (ABOS), а двете компании заеднички ќе ја лансираат првата iнтернет компанија за продажба и услуги, пренесува SEEbiz.
Во иднина, клиентите ќе можат да купуваат возила BMW и MINI преку интернет и да резервираат тест возење, како и сервис и одржување, а со поддршка на системот ABOS, германскиот автомобилски гигант и неговите овластени дистрибутери ќе ја забрзаат дигиталната трансформација на мрежата во Кина.