Гејминг индустријата продолжува да отпушта работници и да откажува игрици, а сега пристигнаа брутални вести од EA.
ЕА во вторникот соопшти дека одлучила да „направи целни прилагодувања во тимот“, а Bloomberg објави дека помеѓу 300 и 400 работни места биле „укинати“, вклучувајќи 100 во Respawn Studios, и дека ненајавената игрица Titanfall е откажана. Повторно...
Тоа е игра интерно позната под кодното име R7, која не беше ни блиску до излез на пазарот. Ова е потврдено со соопштение од Respawn во кое се наведува дека „два проекта во раните фази на инкубација се откажани“. Деталите за втората игрица од која EA се откажа не се познати, но Bloomberg објави дека приказната завршила порано оваа година.
Respawn вели дека ќе се фокусираат ресурсите на Apex Legends и Star Wars Jedi, франшизи за кои EA верува дека се попрофитабилни. Порано месецов, компанијата објави уште една игрица сместена во далечна галаксија, наречена Star Wars Zero Company.
Откако отпушти околу 1.130 работни места во 2023 година, EA отпушти 5% од својата работна сила во 2024 година.
„Овие одлуки не се лесни и сме благодарни на секој колега врз кој влијаеле. Нивната креативност и придонеси помогнаа Respawn да стане она што е денес“, соопшти студиото.
