Иако комплетот Lego за склопување на иконската преносна конзола Game Boy на Nintendo штотуку е пуштен во продажба, една Австралијанка веќе го модифицирала и го направила целосно функционален за играње игрици.
Станува збор за Natalie the Nerd, самоука дизајнерка на принатни плочи, позната и по модифицирањето на Game Boy. Таа е онаа што стои зад транспарентниот Game Boy за кој се пишуваше во текот на летото, а сега покажа нешто уште поимпресивно. Станува збор за Game Boy составен од сет од Lego коцки, кој е целосно функционален и може да се користи за играње игрици.
Треба да се напомене дека ова не е емулатор, ниту пак таа користела Raspberry Pi. Нејзиниот Game Boy прифаќа вистински кертриџи и работи благодарение на вистински Game Boy чипови, кои се залемени на вистинска плоча, за чиј дизајн е одговорна токму Натали.
За да ја реализира својата идеја, морала да направи плоча помала од самиот кертриџ. Исто така, за да го вгради „најмалиот екран на пазарот“ морала да отстрани неколку коцки. Функционалните копчиња сè уште не се поставени на плочата и моментално ги држи еластична лента. За да ги фиксира, со помош на 3D печатач ќе направи дел што ќе држи прилагодена плоча со копчиња.
Нема потреба да се грижите за батериите, бидејќи таа има вградено USB-C порта.
Кога сè ќе биде готово, ќе ги сподели своите дизајни јавно, исто како што има направено со своите претходни производи.
Како сè направиле, Натали објави на својот блог.
