Hisense го претстави паметниот телефон A10, кој има e-ink дисплеј, како и одвојлив LCD екран.
На предната страна од паметниот телефон се наоѓа 6,13-инчен е-инк дисплеј, сличен на оној што се наоѓа кај читачот на е-книги Kindle, но има и одвојлив LCD дисплеј, кој магнетно се прикачува на задната страна од телефонот.
Точните спецификации на овој дополнителен дисплеј сè уште не се познати, но се знае дека ќе се продава одделно.
Деталните спецификации на Hisense A10 сè уште не се откриени, но станува збор за 5G телефон кој работи на Android 16. Се напојува со сè уште неименуван чипсет Snapdragon изграден на производствен процес од 4 нанометри.
Hisense A10 ќе чини 4.000 кинески јуани, или 590 долари, без дополнителен LCD екран. Сепак, LCD екранот би можел да биде доста скап, достигнувајќи цена од дури 3.000 кинески јуани (440 долари).
Компанијата наречена Bigme неодамна имаше слична идеја. Минатата недела, таа започна кампања на Kickstarter за Bigme Hibreak Dual 2. Уредот има 6,13-инчен e-ink дисплеј од едната страна и интегриран, неотстранлив 5-инчен LCD дисплеј од другата страна.
