Realme 15 Pro Game of Thrones Limited Edition пристигнува во кутија во облик на ковчег со змејски јајца.
Realme лансираше специјално издание на својот телефон гealme 15 Pro инспириран од серијата Game of Thrones, кое ќе ги воодушеви сите фанови на популарниот хит на HBO.
Задниот дел од телефонот гealme 15 Pro Game of Thrones Limited Edition е направен од црна кожа која станува црвена на температури над 44°C. Има релјефен грб на куќата Таргарјен, додека други симболи од серијата се гравирани на редизајнираниот правоаголен модул на камерата. Околу објективот се наоѓаат златни прстени со натписи „Winter is Coming“ и „Hear Me Roar“, а централниот дел од модулот е украсен со логото на Game of Thrones во златна рамка со натпис „Fire and Blood“ и детали во форма на змејски канџи.
Футролата има златна рамка и дебелина од 7,84 мм. Сепак, она што го прави ова издание посебно не е само дизајнот, туку и целото искуство со отпакувањето. Кутијата во која доаѓа телефонот е инспирирана од сандак со змејски јајца, а содржи и ексклузивни колекционерски додатоци: држач за телефон во форма на Железниот престол, алатка за SIM картичка во форма на брош „Hand of the King“, пергамент што под светлина открива скриен текст, како и сет разгледници и налепници со мотиви од серијата.
Пакетот вклучува и полнач од 80 W, а софтверот носи специјални теми и икони инспирирани од Game of Thrones универзумот. Realme додаде и функција за вештачка интелигенција наречена Edit Genie, која им овозможува на корисниците да креираат слики во средновековен стил.
Што се однесува до спецификациите, телефонот е идентичен со стандардниот модел гealme 15 Pro: батерија од 7.000 mA⋅h, чипсет Snapdragon 7 Gen 4, главна камера од 50 MP и 6,8-инчен Full HD+ AMOLED дисплеј со брзина на освежување од 144 Hz.
Само 5.000 примероци од телефонот гealme 15 Pro Game of Thrones Limited Edition беа произведени за глобалниот пазар, а цената на уредот е околу 440 евра.
