Новиот UFS 5.0 стандард ветува речиси двојно подобри перформанси на внатрешната меморија кај паметните телефони.
JEDEC (Joint Electron Device Engineering Council / Заеднички совет за инженерство на електронски уреди) штотуку претстави нова генерација флеш меморија која наскоро ќе се најде кај паметните телефони. Наречена UFS 5.0, новиот стандард за складирање сега е финализиран и производителите наскоро ќе можат да започнат со нејзино производство.
Стандардот е фокусиран на подобрување на перформансите и енергетската ефикасност. Не помалку важно е што UFS 5.0 ќе биде компатибилен со хардверот што првично беше дизајниран за стандардот UFS 4.x.
UFS 5.0 нуди пропусен опсег од 10,8 GB/s, што значи дека речиси двојно ги зголемува секвенцијалните перформанси. За споредба, стандардите UFS 4.0 и 4.1 нудат максимум 5,8 GB/s.
Покрај подобрите перформанси, новите технологии носат подобра безбедност на податоците, подобра стабилност на сигналот, додека посебен напонски канал го изолира шумот помеѓу физичките и мемориските слоеви, дополнително подобрувајќи ја сигурноста.
JEDEC сè уште не објавил кога точно ќе ги видиме првите уреди со UFS 5.0 внатрешна меморија на пазарот, па затоа сè зависи од производителот. Затоа, обрнете внимание на листата со спецификации ако купувате нов паметен телефон во блиска иднина - двојно поголеми се перформансите.
