Google развива функција за десктоп режим слична на DeX на Samsung и интерфејсот Smart Connect на Motorola за големи екрани.
Првите „траги“ од десктоп режимот за Android беа откриени во 2023 година, но се чини дека Google сега е блиску до лансирање на оваа функција. Корисничкиот интерфејс бара повеќе „полирање“ и веројатно нема да пристигне со Android 16, но ќе се појави со Android 17 на следната генерација на Google Pixel паметните телефони.
Функцијата е означена како Android Desktop Mode и нуди различни функции, како што се мултитаскинг со прозорци што може да се менуваат големините, традиционални елементи за навигација на работната површина, систем за управување со апликации сличен на десктоп оперативниот систем како Windows или Chrome OS, лесен премин помеѓу мобилен и десктоп интерфејс и друго.
Функцијата ќе биде достапна откако телефонот ќе се поврзе со надворешен дисплеј преку USB-C портот, но можна е и опција за безжична конекција, иако е прерано да се зборува за тоа. Samsung и Motorola нудат опции за безжично поврзување за нивните десктоп режими. Се верува дека функцијата првично ќе биде ексклузивна за Pixel телефоните, по што ќе пристигне и на други Android уреди.
