Компанијата зад ChatGPT вештачката интелигенција, наводно, развива своја социјална платформа.
OpenAI развива сопствена социјална мрежа, велат извори блиски до компанијата. Наводно, новата платформа ќе биде слична на Х (поранешен Twitter).
Како што дознава The Verge, компанијата зад ChatGPT вештачката интелигенција е во рана фаза на развој на сопствена социјална платформа, чиј прототип моментално се базира на генерирање слики и има feed.
Изворите наведуваат дека Сем Алтман, извршен директор на OpenAI, почнал да бара повратни информации од луѓе надвор од компанијата, но она што сè уште не е јасно во овој момент е дали планот е оваа платформа да биде интегрирана во ChatGPT или да биде сопствена апликација.
Во февруари годинава, Алтман, одговарајќи на наводите дека Закерберг и Meta планираат да ја лансираат апликацијата Meta AI, напиша на социјалната мрежа X: „Добро, можеби и ние ќе направиме социјална апликација“. Иако следбениците тогаш не знаеја дали се шегува или не, сега неговите зборови добија тежина.
Покрај тоа што со овој потег директно „удри“ по Марк Закерберг, лансирањето на ChatGPT социјалната мрежа сигурно ќе го продлабочи непријателството меѓу Алтаман и Илон Маск, сопственикот на X.
Маск неодамна собра тим од инвеститори во обид да го купи OpenAI за 97,4 милијарди долари, а Алтман јавно се огласи на Х за тоа и го боцна милијардерот: „Не, благодарам - но можеме ние да го купиме Twitter за 9,74 милијарди долари ако сакаш“.
no thank you but we will buy twitter for $9.74 billion if you want
— Sam Altman (@sama) February 10, 2025
