Позицијата на Google може да биде отежната, бидејќи Apple планира да воведе вештачка интелигенција во својот прелистувач.
Американската технолошка корпорација Apple планира да воведе опции за пребарување базирани на вештачка интелигенција, како што се Perplexity и ChatGPT, во својот прелистувач Safari, вест што ја потресе доминацијата на Google, кој во голема мера се потпира на корисниците на Apple iPhone за рекламирање.
Веста веднаш предизвика реакција на пазарот - акциите на Aphabet, матичната компанија на Google, паднаа за 7,3 проценти, што избриша околу 150 милијарди долари од пазарната вредност на компанијата, објавува Business Standard.
Според информирани извори, долгогодишниот менаџер на Apple, Еди Кју, за време на сведочењето во антимонополската тужба против Google, изјави дека неговата компанија „активно ги разгледува“ споменатите промени во Safari, што би значело губење на ексклузивноста за Google.
Google моментално му плаќа на Apple околу 20 милијарди долари годишно за да остане стандарден прелистувач на Safari, а доколку се направат промени, многу огласувачи би можеле да пренасочат значителен дел од тие пари кон други опции за рекламирање.
Министерството за правда на САД разгледува мерки што би можеле да ги забранат ваквите договори и со тоа да ја ограничат доминацијата на пазарот на Google.
Се очекува Apple дополнително да ги разјасни плановите на својата годишна конференција во јуни, што би можело да сигнализира уште подлабоки промени во екосистемот за пребарување на интернет.
