Податоците од американската вселенска агенција НАСА покажуваат дека меѓуѕвездениот објект 3I/ATLAS се забрзал по перихелот и малку отстапил од својата патека откако ја достигнал најблиската точка до Сонцето. Во меѓувреме, НАСА сè уште не објавила фотографија од него направена од Mars Reconnaissance Orbiter.
Податоците на НАСА за позицијата и движењето на кометата 3I/ATLAS покажуваат дека таа неочекувано се приближила до сонцето. Всушност, го променила курсот за да се движи во правец на Земјата. Исто така, забрзала енормно во споредба со својата оригинална брзина кога била забележана во Сончевиот Систем. Податоците на НАСА потврдуваат дека нешто го турнало објектот од предвидениот пат со дополнителен „удар“, но агенцијата има едноставен одговор за тоа: гравитацијата на сонцето го турнала токму кога стигнал до перихелот. Сепак, други научници не се толку сигурни. 3I/ATLAS патувал со 209.000 км/ч кога бил откриен во јули, но откако стигнал до перихелот на 29 октомври, забрзал и сега патува со приближно 244.000 км/ч.
НАСА за прв пат потврди во вторникот дека неговиот курс одеднаш се променил „надвор од контролата на гравитацијата“, објави Daily Mail. Ова се случило веднаш по перихелот. Во моментов, 3I/ATLAS не е видлив од Земјата бидејќи се „крие“ во сјајот на Сонцето. Научникот од Харвард, Ави Лоеб, очекува објектот да има облак од гас и прашина околу себе од најмалку 5 милијарди тони. Астрономите сè уште немаат докази дека 3I/ATLAS испуштил речиси толку гас, што би го квалификувало како комета. Меѓутоа, ако тоа не се случи, тогаш нешто друго го движи 3I/ATLAS и би можело да биде знак за „вештачки погон“. Ова би го објаснило и ненадејното зголемување на брзината.
Но, овој потисок се намалил во последните денови, а тоа не е поврзано со гравитацијата на Сонцето, тврди НАСА. Сето ова би можело да биде поврзано со губењето на масата од најмалку 13% во близина на Сонцето, бидејќи тоа би создало доволно гас за да предизвика кометата брзо да забрза. Но, ова е само претпоставка, бидејќи астрономите сè уште не виделе докази за овој феномен. 3I/ATLAS сега станува видлив од Земјата, но најдобрите слики нема да се појават до крајот на ноември и декември, кога ќе се приближи до Земјата.
Вселенскиот телескоп James Webb ќе го бара овој масивен облак од гас и прашина, што конечно ќе го одреди составот на овој меѓуѕвезден објект.
