Тројца мажи и една жена отидоа најдалеку од Земјата досега

Мисијата Artemis II на НАСА влезе во историјата - четири астронаути го срушија рекордот за најоддалеченото човечко патување од Земјата, надминувајќи го дофатот на мисијата Apollo 13 во 1970 година.

Екипажот составен од Рид Вајсман, Кристина Кох, Џереми Хансен и Виктор Гловер е на десетдневно патување околу Месечината, прв ваков лет надвор од орбитата на Земјата по повеќе од половина век.

Вселенското летало Orion нема да слета на Месечината, туку ќе ја заобиколи нејзината „темна страна“ и ќе се врати на Земјата, додека астронаутите собираат податоци и снимаат сцени што никогаш порано не се видени за време на прелетот.