Погледот на младиот играч од средниот ред на Барселона, Рики Пуиг (22) кон тренерот на Блауграна, Роналд Куман, за време на натпреварот против Кадис брзо се прошири на интернет и за многу краток временски период стана популарен на сите социјални мрежи.
Пуиг беше на милост и немилост на холандскиот стручњак, исто како и Пјаниќ, и иако е дете на клубот и еден од најголемите таленти во последните години, тој ретко добива шанса да игра, па пред синоќешниот натпревар, имаше само 17 минути оваа сезона.
Ситуацијата од натпреварот против Кадис ја покажува врската помеѓу двајцата, а во еден момент камерата го прикажа Куман како оди кон своите резервни играчи на клупата, воопшто не гледајќи во Пуиг, кој истовремено му упати „убиствен“ поглед.
На крајот, Куман на загревање го испрати само Серхи Роберто, на социјалните мрежи имаше голема поддршка за Пуиг, со коментари дека неговиот став всушност најдобро ги отсликува сите навивачи на Барселона и нивното мислење за Куман.
Младиот Пуиг доби шанса во второто полувреме и ги мина последните 15 минути на теренот вклучувајќи го судиското надополнување, но не успеа да направи ништо повеќе и неговиот тим освои само еден бод.