Оваа среда со почеток од 18:00 часот во паркот „Васко Карангелески“ во Општина Аеродром ќе започне првото издание на АЈДЕ ФЕСТИВАЛ.
Музичката програма предвидува шаренолика приказна за да ги задоволи вкусовите како на помладата популација така и на повозрасните посетители, па на сцената ќе ги видиме Диџеј Тина, Блек Хол Бенд, Рокенрол концерт на музичкото училиште „Мјузик Лаб“, настап на раперот и јутјубер Иван Ајнштајн, миленикот на младите Пајак и завршува со легендата на македонската рап музика диџеј Гоце САФ.
АЈДЕ ФЕСТИВАЛ е инклузивен и хуманитарен фестивал каде заедно со здружението „Во Мојот Свет“ ќе има работилница за децата со атипичен развој и изложба на младиот уметник Филип Циглењак Симоновски, како и низа хуманитарни акции.
Исто така ќе има и саем на млади и компании каде ќе може да се добијат информации за вработување и едукација.
Ве покануваме да бидете дел од првото издание на АЈДЕ ФЕСТИВАЛ и се надеваме полека низ годините да прераснеме во традиционален мултидисцуплинарен фестивал препознатлив за Аеродром, Скопје и Македонија.
