Ѓоковиќ доби моќен спонзор: Ќе лета на крилјата на Qatar Airways

Според принципот дека успешните ги сакаат успешните, најдобриот тенисер во светот на сите времиња, Новак Ѓоковиќ, одамна е магнет за спонзори од различни профили, бидејќи неговиот лик и дело се препознатливи насекаде низ планетава, па така и Qatar Airways го избра за свој глобален амбасадор.

Познатата арапска авиокомпанија веќе е доволно успешна во својот бизнис, но нејзиниот менаџмент процени дека профитот би можел да биде уште поголем доколку нивните услуги во иднина редовно ги користи победникот на рекордни 24 Грен слемови и сопственикот на сите најважните рекорди во историјата на „белиот спорт“.

„За мене е големо задоволство и чест да соработувам со Qatar Airways, компанија која високо ја ценам, не само поради нејзиниот беспрекорен однос кон клиентите и вработените, туку и затоа што ја препознава важноста на благосостојбата и долговечноста, што е и моја голема страст. Верувам дека заедно ќе го подобриме веќе наградуваното корисничко искуство ширум светот и ќе го подигнеме на уште повисоко ниво. Благодарен сум што Qatar Airways ќе ми биде партнер на сите патувања, без разлика дали се поврзани со професионални спортови, семејни моменти или деловни обврски“, рече Ѓоковиќ по повод повеќегодишната соработка.

Неколку дена откако го донесе Енди Мареј во својот тренерски тим, во пресрет на подготовките за новата сезона и атакот на трофеи, затоа што не попушта во намерата да ги помести личните и спортските граници. Мотивиран да го надополни изгубеното во 2024 година, бидејќи пред и по исполнувањето на својот животен сон, со освојувањето на златниот медал на Олимписките игри во Париз, не учествуваше на ниту еден АТП турнир.