Најдобриот тенисер во светот го нема во промотивниот спот за Австралија Опен 2022 година.
Ѓоковиќ е најтрофејниот тенисер во историјата на АО со 9 освоени титули. Првата титула ја освои во 2008 година и оттогаш е број еден во Австралија.
Сепак, прашање е дали Новак ќе ја брани титулата на почетокот на наредната година, со оглед на тоа дека невакцинираните тенисери нема да играат во Мелбурн.
Новак и претходно истакна дека не сака да зборува за тоа дали е вакциниран.
Промотивниот спот за првиот Грен слем сезонава беше објавен пред два дена, а поради негативните коментари беше избришан и по два дена поставен нов. Ниту на новиот го нема Ѓоковиќ.
Австралија Опен се игра од 17 до 30 јануари 2022 година.