Српскиот тенисер број 1, Новак Ѓоковиќ по деветти пат се пласира во финалето на Грен слемот Австралија Опен. Тој претпладнево го совлада Русинот Аслан Карацев со 6:3, 6:4 и 6:2.
Воедно Новак има максимален ефект во досегашните девет полуфиналиња во Мелбурн, а во осумте мечеви за трофејот секогаш победувал.
Ривал на Ѓоковиќ во мечот за трофејот ќе биде победникот од дуелот Данил Медведев (Русија) – Стефанос Циципас (Грција). Второто полуфинале на Австралија Опен е закажано за утре со почеток во 9:30 часот.
Русинот Карацев со овој настап оствари најголем успех во кариерата и обезбеди скок на 42-то место на АТП листата, а досега беше на 114-тото.
Наградниот фонд на првиот Грен слем во годината, изнесува 55,2 милиони долари.
