Српскиот тенисер Новак Ѓоковиќ новата сезона ќе ја почне на АТП турнирот во австралискиот град Аделаида од 2 до 8 јануари, кој вообичаено им служи на играчите како подготовка за грен – слем турнирот во Мелбурн подоцна истиот месец.
Ѓоковиќ, кој сезоната ја заврши со освојување на АТП завршниот турнир во Торино и во моментов е петти на светската листа, последниот настап во 2022 година ќе го има во Дубаи, на егзибициски турнир од 19 до 24 декември.
Австралиските власти претходно му ја поништија тригодишната забрана за влез во земјата и на 35-годишниот Ѓоковиќ му одобрија виза за настап на Австралија опен.
На почетокот на оваа година на Ѓоковиќ му беше забранет влез во Австралија бидејќи не е евакциниран против коронавирусот, но австралиските власти, во меѓувреме, ги укинаа ограничувањата поврзани со задолжителната вакцинација.
