По освојувањето на Вимблдон, Новак Ѓоковиќ на прес-конференција откри дека можно е да го проретчи распоредот, односно дека ќе го намали бројот на турнири на кои ќе настапува.
Тој зборуваше и за УС Опен, каде според сегашните закони не може да настапи бидејќи странците кои не се вакцинирани против коронавирус не може да влезат во САД.
„Да бидам искрен, се сомневам дека ќе одам да бркам поени. Како што разбрав од мојот агент денес, освојувањето на Грен слем е доволно за финалето на АТП ако сте во топ 20. Со досегашните освоени поени, верувам дека ќе бидам во топ 20. Претпоставувам дека имам добри шанси дека веќе сум во финалето на АТП. Навистина нема да се напрегам да играм турнири за да освојувам поени“, рече Ѓоковиќ и додаде:
„Не чувствувам никаков притисок или потреба да играм на одреден распоред. Работите се променија кај мене во последните неколку години. Го постигнав рекордот да бидам број 1 на сите времиња по бројот на недели, за кои работев целиот мој живот. Сега тоа е готово, како приоритет ги ставам Грен слемовите и големите турнири и местата каде што сакам да играм и каде се чувствувам добро“.
„Сè уште не сум разговарал за распоредот со Горан. Мора да почекаме вести од Америка, дали ќе се случи или не, зависи од тоа. Може да се случи да бидат Лејвер куп и Дејвис куп, ми се допаѓа да играм за мојата земја. Ќе се обидам да бидам дел од неа. Тоа се големите турнири што ми се сега на ум“, рече Ѓоковиќ и заклучи:
„Не сум вакциниран и не планирам да се вакцинирам, па добрата вест за мене може да биде укинување на барањето за вакцинација за влез во САД или, ако е можно, ослободување. Не знам, мислам дека изземањето не е реално. Немам многу одговори за тоа. Прашањето е само дали ќе ја укинат обврската или не навреме, за да можам да влезам во САД“.
