Освојувачот на 17 Грен слем титули и светски рекет број 1, Новак Ѓоковиќ одговори на критиките против одржувањето на добротворниот турнир „Адрија Тур“.
– Тешко е да се објасни на некои луѓе дека ситуацијата во Србија и околните земји е многу различна. Од првиот ден, организацијата на „Адрија Тур“ е спроведена според сите владини регулативи и преземени се неопходни мерки на претпазливост. Никогаш не сме ги прекршиле правилата, стрпливо чекавме да ги олеснат мерките.
- Јас сум многу среќен затоа што за толку кратко време го организиравме овој настан, што е многу добро не само за тенисот, туку и за спортот воопшто. Обично, потребни се шест месеци за вакви настани, а ние успеавме да го сториме само за еден, прокоментира Ѓоковиќ за Eurosport.