Најдобриот светски тенисер, Новак Ѓоковиќ, одлучи сепак да се појави на УС Опен и да се обиде да ја освои титулата до која не дојде лани.
Ѓоковиќ ќе отпатува за САД в сабота, а прво ќе настапи на Мастерсот во Синсинати на 22 август.
Потоа наредниот викенд ќе настапи и на УС Опен, кој почнува на 31 август. Двата турнира се играат во Њујорк за да се избегне можноста за заразување на играчи со коронавирусот.
„Драго ми е што можам да потврдам дека ќе се натпреварувам на Западниот & Јужниот Опен и УС Опен оваа година. Не ми беше лесно да донесам одлука, особено со оглед на сите пречки и предизвици, но едвај чекам да можам повторно да се натпреварувам на тенискиот терен“, порача Ѓоковиќ во порака објавена на својот Instagram профил.
Ѓоковиќ ќе биде прв фаворит на УС Опен затоа што на него нема да настапат Рафаел Надал и Роџер Федерер, а тој ќе има можност уште повеќе да ја зацврсти својата позиција на првото место на АТП-листата.
Минатата година Новал стигна до осминафиналето и освои само 180 поени, а со титула би додал 1.120 поени на своето конто.