Новаќ Ѓоковиќ претрпе два тешки удари на Олимписките игри.
Најдобриот тенисер на светот пристигна во Токио за да се доближи до Златниот слем, освојувајќи четири Грен слема и Олимписките игри во истата година. Претходно оваа година, тој беше најдобар на Австралија Опен, Ролан Гарос и Вимблдон, а во Токио доминираше до средината на вториот сет од полуфиналето против Германецот Александар Зверев.
Меѓутоа, после тоа доживеа необјаснив пад, го загуби полуфиналето, потоа мечот за бронза, а потоа го предаде мечот за бронзениот медал во мешани двојки.
Срѓан Ѓоковиќ, таткото на Новак, рече дека го советувал својот син да не оди во Токио по напорното лето и освојувањето на два Грен слема. Во гостување во подкастот „Biznis priča“, тој објави преписка со Новак пред неговата одлука да настапи на Игрите.
„Нокс, јас го викам Нокс, ако ти значи мое мислење, мислам дека не треба случајно да одиш во Токио. Прво, тоа е долг пат, поинаква зона, без гледачи, повторно изолација и без гледачи не е тоа, не е Олимпијада. Те сакам, тато“, гласи порака на Срѓан до син му.
Новак не го послуша...
„Се разбира, твоето мислење ми значи, тато. Сакав да ги поминам овие три или четири дена за да видам како ми се чувствува телото и слично. Секогаш брзо се опоравувам и тоа не е голема работа. Патриотизмот е силен во моето срце и мојата глава, тато, ме знаеш. Кога станува збор за Србија, јас тука пресекувам и не се свртувам назад“.
„Луѓе, по оваа преписка со него бев изненаден“, бил во неверување таткото на најтрофејниот тенисер на сите времиња.
