Најдобриот тенисер во светот Новак Ѓоковиќ одлучи да не учествува на Мастерсот во Мадрид.
Тој триумфираше на последното издание на турнирот во 2019 година кога го победи Циципас.
Поради оваа одлука, Новак ќе изгуби и поени, според новите правила. Ќе му бидат одземени 500 поени, што е 50% од освоените 1000 пред две години во Мадрид.
Тоа значи дека на ранг листата на 10 мај ќе има 11.463 поени. Ова би значело предност за Надал бидејќи тогаш разликата меѓу нив ќе биде околу илјада бодови.