За љубителите на серии од жанрот крими драми, Netflix повторно има возбудлива приказна.
Стриминг гигантот ја откупи бразилската серија „Good Morning, Verônica“ (оригинален наслов „Bom Dia, Verônica“) која ветува возбудлива крими приказна и многу заплети.
„Сериски убиец без граници. Систем полн со грешки и неколку безнадежни жртви. Ништо нема да ја спречи Вероника да се бори за правдата“, стои во краткиот опис за серијата на Netflix.
Она што го дознаваме од објавениот трејлер е дека полициската службеничка Вероника решава да ја продлабочи истрагата на два нерешени случиа на злоставени жени, откако ќе биде сведок на самоубиство.
Таа ќе открие ужасна тајна на двајца сопружници додека работи на случајот за изопачениот предатор кој своите жртви ги наоѓа на страници за онлајн барање партнер.
Улогите ги играат Таина Милер, Едуардо Московис и Камила Моргадо.
Серијата ќе биде достапна на Netflix од 1 октомври.