Претстојниот Pixel 6 XL кој би можело да го носи називот Pixel 6 Pro, според најавите ќе има моќна камера. Според гласините, Google би можел да користи перископски леќи за својата телефото камера.
Во претходниот извештај на типувачот Џон Просер, наведено е дека Pixel 6 XL ќе има три задни камери, широка од 50, телефото од 48 и ултраширока од 12 MP.
Google Pixel 4 и 5 имаат две задни камери, а според гласините, Pixel 6 XL ќе има 3 задни камери. Помалиот Pixel 6 ќе има само две камери на задната страна.
Според Android Authority, технологијата Super Res Zoom ѝ овозможи на компанијата да го зголеми телефото сензорот на Pixel 5 на 8х зумирање со пристоен квалитет. Super Res Zoom комбиниран со перископска камера би можел да овозможи 10х хибридно зумирање или подобро од тоа.
Се очекува дека Google ќе ги претстави новите Pixel смартфони во септември и октомври.
Google Pixel 6 веројатно ќе има 6,4-инчен AMOLED екран, 8 GB RAM, 128 или 256 GB интерна меморија и батерија од 4.614 mAh.
Што се однесува на Google Pixel 6 XL (Pro) овој уред ќе користи 6,71-инчен AMOLED екран, 12 GB RAM, 128, 256 или 512 GB интерна меморија и батерија од 5,000 mAh.