Поранешниот претседател на Советскиот Сојуз, Михаил Горбачов, смета дека претседателот на Белорусија, Александар Лукашенко, направил една грешка, предоцна побарал поддршка од работниците.
„Лукашенко побара поддршка од работниците на индустриските компании. Се чини, предоцна“, рече Горбачов во интервју за „Комсомолска правда“.
Горбачов истакна дека и тој побарал поддршка од работниците пред распадот на Советскиот Сојуз.
-Не ја добивме потребната поддршка. Не сум наклонет да ги обвинувам работниците, посочи тој.
Тој, исто така, објасни дека ја напуштил должноста претседател на СССР за „да се избегне раскол и војна“.
Поранешниот советски лидер го подвлече странското влијание врз настаните во Белорусија.
Масовните протести на опозицијата почнаа низ Белорусија на 9 август, веднаш по објавувањето на резултатите од претседателските избори.