Организаторот на игра на македонската одбојкарска репрезентација го даде своето мислење воочи денешниот важен дуел со Босна и Херцеговина.
По синоќешниот пораз од Турција, македонските одбојкари денеска едноставно немаат друг избор и мораат да победат против Босна и Херцеговина, репрезентација која ја победивме на стартот од квалификациите со 3:1. Но, сега потребна е победа без загубен сет,
„Ние немаме друг избор освен да победиме против Босна и Херцеговина, а потоа да се бориме за секој поен против Турција. Убеден сум дека имаме капацитет да го подобриме приемот, а доколку го сториме тоа, сѐ ќе биде поинаку“, вели организаторот на нашата игра Ѓорѓи Ѓорѓиев, чија изјава ја пренесе Одбојкарската федерација на Македонија.
Натпреварот се игра од 18 часот во салата „Борис Трајковски“ во Скопје пред празни трибини, а директен пренос ќе има на МРТ1 и МРТ3.
Моментален пласман:
- Турција 6 (6:1)
- Македонија 3 (4:4)
- Босна и Херцеговина 0 (1:6)
