Говорот на телото на Мбапе во тунелот на Енфилд илустрира како е прифатен од соиграчите

Камерата во тунелот на стадионот „Енфилд“ го улови Килјан Мбапе на полувремето од синоќешниот натпревар помеѓу Ливерпул и Реал Мадрид.

„Црвените“ победија со 2:0, а Мбапе на средината од вториот дел промаши пенал за 1:1.

Беше досудена најстрога казна поради стартот над Лукас Васкес, топката ја зеде францускиот репрезентативец кој беше прочитан од Куивин Келехер и ги спречи „Кралевите“ да израмнат.

Французинот беше во очајна состојба и го одигра еден од најлошите натпревари во кариерата, а дека не е во најдобра состојба покажува и камерата во тунелот на стадионот „Енфилд“.

На полувремето од синоќешниот меч го улови Мбапе како стои на страна, одвоен од соиграчите, што може да се види на видео кое кружи на социјалните мрежи.

Мбапе летово пристигна во Реал како слободен играч од Пари Сен-Жермен, а се чини дека не се вклопил баш најдобро во клубот од стадионот „Сантјаго Бернабеу“.