Новата туристичка кампања на Грција е малку необична и се чини насочена кон поврзување со туристите подолгорочно отколку едно летување.
Мотото на кампањата на DiscoverGreece.com е „Грчкото лето е состојба на умот“, а во промотивниот видеоспот се објаснува дека грчкото лето е многу повеќе од сонцето и морето – тоа е концепт и идеја.
„Каде и да се наоѓате во светот, што и да правите, подгответе се да влезете во состојба на умот ‘грчко лето’: Љубов. Природа. Чувство на слобода. Сѐ е твое, кога и да ти затреба. Тука сме за тебе. Затоа оваа година, уживајте во вашето грчко лето каде и да сте“, се вели во спотот.
Дали сте и вие во ваква состојба на умот?
