Поради генералниот штрајк на грчките синдикати кој како што беше најавено ќе трае 24 часа, од утринава сите гранични премини од Грција кон Македонија и Албанија се во блокада.
Границата ќе може да се премине само пеш.
Утрово од 5 часот за сообраќај се затворени следните премини од грчка страна кон Македонија: Богородица, Дојран и Меџитлија, каде штрајкот почна еден час подоцна.
Затворени се и премините кон Албанија и се пропуштаат само пешаци без багаж.
На граничните премини има огромен метеж, а нормализирање на сообраќајот може да се очекува утре во попладневните часови.
Утрово во Грција почна генерален штрајк во знак на протест против новиот бран мерки за штедење за кои е најавено дека ќе бидат воведени летово.