Грција се подготвува за екстремен топлотен удар со температури кои треба да се искачат до 44 Целзиусови степени во наредните денови, пренесува агенцијата DPA.
Грчката метеоролошка служба и Националната цивилна заштита издадоа предупредување во понеделникот, додека жештината се очекува да трае до 8 август, што е невообичаено долг период.
Од утре натаму се очекува да биде над 30 степени во текот на ноќта, што е особено тешка состојба за човечкото тело со оглед на тоа што не може да се опорави од топлината.
Страв од пожари
Друг страв е дека пожарите би можеле да започнат забрзано да се шират низ земја во која падна малку дожд во последните неколку недели, поради предвидените силни ветрови.
Грција и во минатото се соочувала со екстремни топлотни бранови, но временските услови се очекува да ги надминат досегашните нивоа во наредните денови.
Во 1987 година, 4.000 луѓе починаа од сличен топлотен бран, кога системите за климатизација сè уште не беа масовно користени. Посебно погодени беа постарите луѓе во градовите.
Големи делови на полуостровот Пелопонез изгореа во 2007 година за време на уште еден топлотен удар и силни ветрови. Десетици луѓе загинаа.