Комичарот Тревор Ноа беше водител на годинашното доделување на наградите Греми, а неговиот говор за отворање на свеченоста беше во најмала рака контроверзен.
Ное се појави пред шаторот на отворено во кој беа сместени ѕвездите и ја опиша атмосферата како понапната од атмосферата што најверојатно деновиве владее меѓу членовите на британското кралско семејство.
„Номинираните изведувачи ќе седат оддалечени на масите и ќе ги чекаат наградите. Значи, во овој шатор во моментов има поголема напнатост отколку на семејната средба во Бакингемската палата“, рече тој.
„Доделувањето на наградите Греми е најголемиот настан на отворено годинава, по немирите во Капитол“, додаде тој, иако претходно тврдеше дека свеченоста нема да добие политички поттон.
Потоа во говорот рече дека свеченоста е еден од ретките настани во кои белото што им влегува во носот на ѕвездите не е кокаин, туку брис за земање примерок за коронавирус тест.
Помина една недела од интервјуто на Меган и Хари со Опра на CBS, кое ги емитуваше и наградите Греми, а монологот на Ноa предизвика поделени реакции заради бројните референци на настанот, како и заради мешањето во политички теми.
Некои беа одушевени, а други згрозени.
„Го исклучив преносот уште на самиот почеток“, напиша еден корисник на Twitter.
„Не е смешно, тој ден луѓе ги изгубија животите“, напиша друг, алудирајќи на шегата за Капитол хил.