Доколку не сте задоволни од вкусот на полнетите пиперки што сте ги подготвиле, веројатно правите една од следните грешки.
Една од најчестите грешки е купувањето на погрешен вид пиперка. Имајте на ум дека пиперките како бабури се најдобри за полнење.
Следната грешка што многумина ја прават е што ги полнат пиперките до врв. Ако го направите тоа, смесата ќе истече од пиперките за време на готвењето и тие ќе пукнат. Поради оваа причина, никогаш не треба да го правите тоа.
Исто така, внимавајте да не додадете премногу запршка бидејќи тоа ќе го расипе вкусот. Готвачите наведуваат дека наместо запршка, можете да користите и брашно помешано со вода.
Грешка е и купувањето неквалитетен ориз или неговото преварување. Купете ориз со кратко зрно. Иако малкумина го практикуваат ова, готвачите забележуваат дека никогаш не треба да го готвите оризот пред да го ставите во филот.
